Bargiidbellodaga sámedikkejoavkku parlamentáralaš jođiheaddji, Ronny Wilhelmsen, lea ilus go Sámediggi doarju ođđa mánáidgárddi Álttás.
Sámediggi juolluda 300 000 ruvnno ođđa mánáidgárddi álggaheapmái Álttás, čállá Bargiidbellodaga Sámedikkejoavku preassadieđáhusas.
– Lean ilus go sámediggi čuovvula min ávžžuhusa ja doarju Álttá ođđa sámi suohkanmánáidgárddi 300 000 ruvnnuin. Ovttasbargu ja ovttasdoaibmá duddjo ovdáneami Álttá sámi birrasii, dadjá Ronny Wilhelmsen.
Bargiidbellodat lei evttohan juolludit 400 000 ruvnno álggahanruhtadeapmái 2019 reviderejuvvon jahkebušeahtaš.
– Lea dehálaš midjiide čájehit ahte mii háliidit áŋgiruššat mánáide ja nuoraide, ja ahte fálaldagat čuvvot dárbbuid. Áltá lea guovddáš sámi guovlu ja doppe leat ollu sápmelaččat, dajai Wilhelmsen Altapostenii dalle go jáhkebušeahtta galggai reviderejuvvot.
