2004:s gohčodii son sisafárrejeddjiid «čáhpuhin». Dál son áigu váldit vuostá 200 Syria báhtareaddji.
2004:s gohčodii son sisafárrejeddjiid «čáhpuhin». Dál son áigu váldit vuostá 200 Syria báhtareaddji.
Guovdageainnu suohkanstivraáirras, Isak Mathis O. Hætta (Dáloniidlistu), lea árvvoštallamin váldit vuostá 200 báhtareaddji oanehis áigái orrut. Son lea juste dál ožžon šiehtadusa Olgoriikadepartemeanttas, mii doaimmaha báhtareaddji ášši. Son lea ožžon fálaldaga váldit vuostá 200 syriabáhtareddjiid oanehis áigái.
– Kriminealla «čáhpuhat»
Hætta, gii maid lea sámediggeáirras DL ovddas, čuoččuhii ge 2004:s ahte eanas sisafárrejeaddjit leat krimineallat ja gohčodii sevdjnesvarat sisafárrejeddjiid «čáhpuhin».
Hætta váidui ge dalle politiijaide, rasismaparagráfa vuođul, muhto ii áššáskuhtton dan dihte. Hætta lei dalle maid sihke suohkanstivrra- ja sámediggeiáirras.
Ávvir jearai sus, maŋŋel go albmosii bođii ahte son áigu sisafárrejeddjiid váldit orrut, ahte oaivvilda go ain dan seamma dál go 2004:s?
– Sisafárrejeaddjit leat dego eará olbmot, muhtumat leat vel krimineallat ge, muhto eai vearrábut go earát ge olbmot, lohká son.
Movt lea váldit vuostá dakkár báhtareddjiid geaid 2004:s gohčodit «čáhpuhin» ja krimineallan?
– Dás lea sáhka veahkehit olbmuid geat leat heahtedilis, nu ahte dat gal lea mu mielas ortnegis, lohká son.
– Geasát go ruovttoluotta daid čuoččuhusaid maid dalle dadjet sisafárrejeddjiid birra?
– Mun in áiggo dien kommenteret. Áiggun dušše dadjat ahte lea dehálaš veahkehit olbmuid heađis, dadjá son.
