– Mii eat leat finadan Finnmárkkus 1998 rájes, ja dalle leimmet dušše Álttás.
Dan muitala sirkusdirektevra Jan Ketil Smørdal iFinnmarkii.
– Ovddit háve, go leimmet miehtá Finnmárkkus jođus, lei 1995:s, lohká sirkusdirektevra.
Johttá miehtá Finnmárkku
Dál lea Sirkus Agora fas jođus, ja mátkelistu lea guhkki ja Finnmárkku gilit ja gávpogat ožžot fas sirkusa guossái.
Sirkus bisána Álttás, Guovdageainnus, Kárášjogas, Leavnnjas, Deanušalddis, Hámmárfeasttas, Honnesvágis, Várggáin, Čáhcesullos ja Girkonjárggas.
Sirkusis eai leat elefánttat mielde, muhto heasttat ja beatnagat. Dasa lassin leat kloavnnat ja akrobáhtat mielde.
