18 biilavuoddji sáhkohalle ja okta vuoddji massii biilavuodjinkoarttas.
Romssa johtolatpolitiija čađahii ikte bearráigeahču máŋgga guovllus. Oktiibuot 18 biilavuoddji sáhkohalle go vudje beare leahtus, okta massii maiddái biilavuodjinkoarttas.
Sáhkut
Boallobađas Báhcavuonas mihtidii politiija biillaid leahttu guovllus gos lea lohpi vuodjit 60 kilomehtera diimmus, oktiibuot 11 biilavuoddji sáhkohalle go eai doallan leahttomeari.
Gáivuonas maid dolle bearráigeahču guovllus gos leahttomearri lea 60 kilomehtera diimmus, čieža biilavuoddji sáhkohalle.
Massii koarttas
Go johtolatpolitiija bearráigeahčai 68 biilla Romssa gávpogis, de vujii okta nu jođánit ahte massii biilavuoddjinkoarttas. Guovttis balahuvvoba vuodján gárrenoaivvis, dieđiha Romssa politiijaguovlu Twitteris.
