Buollin mii álggii gávpeguovddážis, daguhii ahte 11 olbmo fertejedje eret ásodatviesus das lahka.
Buollin mii álggii gávpeguovddážis, daguhii ahte 11 olbmo fertejedje eret ásodatviesus das lahka.
Dál iđđes dieđihit politiijat Twitteris ahte muhtin geainnut leat gitta Bådåddjos Hundstadsenter buollima geažil, ja biillat fertejit vuodjit eará geainnuid.
Mannan ija diibmu beal njealji birrasiid dieđihedje politiijat sii leat ain čáskadeame dolaid, ja báhkkasa geažil lea váttis čáskadanbargu. Lea maid olu suovva mii dahká barggu váttisin.
– Mii leat buollinčáskadeddjiiguin ferten evakueret ovtta ásodatvistti mii lea Shell ja Jula gávppiid lahka, danne go suovva borggistii dan guvlui, ja maiddái biekka geažil. Suohkan lea gearggus sin doalvut eará báikái idjii, muitalii politiadvokáhtta Andre Rengård Sálttu politiijaguovllus NTB:ii ovdal diibmu guovtti mannan ija.
Politiijat ožžo dieđu buollima birra gaskavahku eahket diibmu 20.20.
