Mannan bivdojagi báhččojedje 18 gumppe. Fargga álgá fas liseansa gumpebivdu, ja sáhttet vel eambbo báhččot.
Mannan bivdojagi báhččojedje 18 gumppe. Fargga álgá fas liseansa gumpebivdu, ja sáhttet vel eambbo báhččot.
Dálkkádat- ja birasdepartemeanta lea dál almmuhan bivdomeari gumpebivddus.
Oktiibuot 26 gumppe galget bahččot, ja jus dan logu olahit, de lea 100-jahkásaš olahus, dieđiha Statihkalaš guovddášdoaimmahat iežaset neahttasiiddus.
– Mannan bivdoáigodaga báhččojedje 18 gumppe, nu olu eai lean báhččon 1923 rájes. Dalle báhče 19 gumppe, lohká Trond Amund Steinset. Son lea seniorráđđeaddi Statihkalaš guovddášdoaimmahagas.
Dušše olggobeale gumpeguovllu
Steinset lasiha ahte 1920:s lei maŋemuš go 26 gumppe báhččojedje.
– Dás lea sáhka obbalaš supmis, sihke olggobeale ja siskkobeale gumpeguovllu. Dán jagi obbalaš bivdomeari eat vel dieđe, go dat 26 gumppe galget báhččot olggobeale gumpeguovllu, lohká seniorráđđeaddi.
Evttohan measta liikka olu báhčit gumpeguovllus
Liseansabivdu gumpeguovllus lea ođđajagis, jagi vuosttaš beaivvis guovvamánu 15. beaivái.
Boraspirelávdegottit leat evttohan báhčit 24 gumppe gumpeguovllus. Bivdomearri čielgá ovdal ođđajagi.
