Finnmárkku politiijain lea leamašan veahá dakkár jáhkkemeahttun dáhpáhus mannan ija.
Vaikke ii leat nu olu bargu leamašan ahte eai leat bállen ráfis leat, de leat liikká šaddan juoidá doaimmahit. Nu go Deanus, nammalassii Luovttejohleagis, gosa ledje 40-50 olbmo čoagganan dolastit manna ija.
Finnmárkku politiijat čállet Twitteris ahte ledje čoagganan olu olbmot dola birra. Politiijat bissehedje čoahkkaneami. Dan oktavuođas go vuolggahedje das olbmuid, de bissehedje ovtta skutervuoddji go várohedje su gárremiin, ja lei vuoddjáme.
Skutervuoddji, gii lei lahka 20-jahkásaš, váldui de mielde dearvvašvuođaguovddážii varraiskosiid váldit.
Ifinnmark.no:i muitalit politiijat ahte báikkis lei ordnejuvvon nu galggai leat feasta dollagáttis, ja ledje fievrredan vel stuora skájaniid dohko.
