-Almmuhus-
-Almmuhus-
OĐĐASAT Widerøe álggaha ođđa njuolggo­ruvtto Davvi­-Norgii

Widerøe álggaha ođđa njuolggo­ruvtto Davvi­-Norgii

-

-

Dán geasi leat guokte ođđa njuolggoruvtto Kristiansandas Bådåddjui ja Evenáššái.

Goappašat girdiruktot galget mannat guktii vahkkus gaskal geassemánu 22. beaivve ja borgemánu 16. beaivvi, čállá Fædrelandsvennen.

Vuođđun dasa lea jearahaniskkadeapmi maid Widerøe lea čađahan, mii čájeha ahte leat máŋga lullinorgalačča geat áigot geasselupmui davás, ja nuppeládje.

Jearahaniskkadeamis vástidedje 49 proseantta lullinorgalačča ahte sii áiggoše vuolgit geasselupmui Lofuhtii – Viestterállasii. 26 proseantta vástidedje ahte sii áigot vuolgit Helgelándda riddui geasseluomus.

Seamma jearahaniskkadeapmi čájeha ahte leat máŋggas Davvi-Norggas, erenoamážit Romssas, Lofuohtas, Viestterállasis ja Finnmárkkus, geat áiggošedje geasselupmui Lulli-Norgii. 

(©NTB)

- Advertisement -
-Almmuhus-