Norgalaš Thomas Wærner vuittii máilmmi garrasamos beanagilvvu Iditarod dán jagi.
Wærner lei birgemeahttun vuoiti, ja vuoitoávvudeapmi Nomas Alaskas ii šaddan nu stuoris go dábálaččat, danne go áigot eastadit korona njoammumis. Dieđihuvvo liikká ahte ledje olu olbmot geat čuvvo go vuoiti bođii mollii daid maŋimuš kilomehteriid. Son geavahii ovcci beaivvi, 10 diimmu, 37 minuhta ja 47 sekundda Anchoragas Nomii. Lágideaddjit leat gilvvus bidjan doaimmaid vai eastadit korona njoammumis daid smávva rašeš báikkiin gos gilvu lea čađahuvvon. Diibmá Thomas Wærner vuittii sihke Finnmarksløpet ja Femundsløpet. Dan ii leat oktage nagodan ovdal su. Iditarod beanagilvu lea 1560 kilomehtera guhkki ja ledje 57 beanaráiddu mat serve gilvui.
