Go leat báhkat, de lea hirbmat buorre johttu lákcajieŋain. Hennig-Olsena jiekŋaskábet leat jo guorranan ja Diplom-Is buvttadeaddjis lea ođđa oláhus.
Go leat báhkat, de lea hirbmat buorre johttu lákcajieŋain. Hennig-Olsena jiekŋaskábet leat jo guorranan ja Diplom-Is buvttadeaddjis lea ođđa oláhus.
Miessemánus lassánii lákcajiekŋajohtu Hennig-Olsen buvttadeaddjis 30 proseanttain. Geassemánu lassánii ges 20 proseanttain, čállá Dagens Næringsliv (DN).
– Lea šállošahtti go mis nohke lákcajieŋat, muhto dát lea erenoamáš ártegis dilli. Mis lea dat buoremus geassi mii goassege lea leamaš, lohká Hennig-Olsen hálddahuslaš direktevra Paal Hennig-Olsen DN:i.
Guorraneame
Norgesgruppen maid muitala ahte leat hástalusat go lákcajieŋat ja eará jieŋat leat nu unnán dál go vuvdet daid nu bures.
– Olbmot borret nu olu jieŋaid ahte galmmihanskábet guorranit. Geassi bođii nu árrat ja johttu maid šattai hirbmat buorre, muitala Norgesgruppen gulahallanhoavda Kine Søyland.
Vuovdinolahusat
Diplom-Is muitala ahte sis leat ođđa olahusat miessemánus ja geassemánus, ja muitalit ahte lea diimmáža ektui maid lassáneapmi.
– Miessemánus gitta suoidnemánnui lea lassáneapmi leamaš sullii 26 proseantta diimmáža ektui. Muhtin gálvvuin lea lassáneapmi leamaš gitta 60 proseanttain, muitala Diplom-Is hálddahuslaš direktevra Rita Kristin Broch.
(©NTB)
