Dál lea sámi girji almmuhuvvon masa beassá deavdit mánnávuođa dehálaš dáhpáhusaid, ja máná eallima vuosttaš jagiin juo álgit ráhkadit govvamáidnasa.
Dál lea sámi girji almmuhuvvon masa beassá deavdit mánnávuođa dehálaš dáhpáhusaid, ja máná eallima vuosttaš jagiin juo álgit ráhkadit govvamáidnasa.
Piia Nuorgam ja Emilia Alm leaba almmuhan mánnávuođa muittuid girjji. Piia Nuorgam lea čállán, ja Emilia Alm lea sárgon govaid ja plánen girjji olgguldas hámi.
Girjái beassá deavdit mánnávuođa dehálaš dáhpáhusaid, ja máná eallima vuosttaš jagiin juo álgit ráhkadit govvamáidnasa. Girji lea oaivvilduvvon váhnemiidda ja eará lagasolbmuide. Ulbmil lea vurket mánnávuođamuittuid sámegillii ja doalahit máná sámi duogáža.
Dieđut árbevieruid birra
– Girjjis leat dieđut sámiid dološ ja dálá árbevieruid birra. Girjái sáhttá maid čállit makkár sogaide mánná gullá ja mii daid birra muitaluvvo. Áhpehisvuođa, riegádeami ja šaddama birra sáhttá maid deavdit dieđuid Gielalaš ovdáneami mávssolaš ja gelddolaš dáhpáhusaid lea maid somá maŋitáiggi muittašit, dieđihit preassadieđáhusas.
Go stuorrola, de beassá mánná girjjis geahččat ja oahppat earret eará gos lea Sápmi, makkár lea sámi leavga ja oahpásmuvvat muhtun sámiguovlluide.
