-Almmuhus-
-Almmuhus-
OĐĐASAT Vurdet gálvo­vuovdima lassánit Davvi-Norggas

Vurdet gálvo­vuovdima lassánit Davvi-Norggas

-

-

Ođđa raporta čájeha ahte vuovdin Norgga gávppiin sáhttá koronaleavvama dihte, lassánit 7 miljárda ruvnnuin 2020 geasi. Geassegávppašeapmi šaddá birrasiid 108 miljárda ruvnno. 

Kvarud Analyse raporttas čájehuvvo ahte davvi guovlluin lea vurdojuvvon ahte lea earenoamáš olu geassegávppašeapmi dán jagi.

– Davvi-Norga lea hui fiinna guovlu mii geasuha olbmuid luomus. Dán jagi galget ollu norgalaččat luomustallat Norggas, ja danne mii doaivut ge ahte gálvovuovdin boahtá lassánit ollu dain guovlluin gosa olbmot vulget lupmui. Dat leat buorit ođđasat Davvi-Norgga gávpeealáhusaide, lohká Virke Handel direktevra Harald Jachwitz Andersen. 

Moskenes suohkan bajimusas

Moskenes suohkan Nordlánddas lei 2019:s dat suohkan olles riikkas gos geassegávppašeapmi lassánii eanemusat. 

– Suohkanat nu dego Moskenes, mas lea buorre sisaboahtu geassegávppašeami oktavuođas, sáhttá doaivumis illudit vel buoret loguide maŋŋel 2020 geasi, lohka Jachwitz Andersen. 

Lagašgávppiide mat leat guovlluin gos olbmot luomustallet geasset sáhttet maid vuordit buriid bohtosiid dán geasi. 

– Doaivumis oallugat válljejit ruovttus leat dán geasi. Dát lea hui positiivvalaš báikkálaš giehmánniide. Dat manne mii doaivut ahte šaddet alla logut dan jagi, lea go olbmot bohtet unnit rasttildit ráji ja dasto maid unnit gávppašit olggobeale norgga ráji koronadávdda geažil ja danne go rájit leat gitta. Dat čájehuvvo man ollu árvu manná olggos riikkas riikkaráji gávppašeami oktavuođas, loahpaha Jachwitz Andersen. 

Statistalaš guovddášdoaimmahaga 2019 logut čájehit ahte norgalaččat gávppašedje 196 miljovnna ruvnno ovddas riikkaráji rámbuvrrain. 

- Advertisement -
-Almmuhus-