Sajane Karina Olsen čájehii vuot ahte son lea okta máilmmi buoremus nuorra Taekwon-Do gilvaleddjiin.
Olmmáivággilaš Sajane Karina Olsen čievččai ja čorpmai alcces silbba máilmmimeasttirgilvvus Inzell nammasaš báikkis Duiskkas.
Son gilvala Taekwon-Do nammasaš gievrrastallanfalástallamis, mas galgá čiekčat ja čorbmat.
Olsen faskii silbba junior joavkoluohkás, ovttas viđain eará Taekwon-Do falástalliin Norggas.
Sajane Karina Olsen lea oahpes sámi njunušpolitihkkara nieida, namalassii Henrik Olsena.