Skohterluodda nummar 5 Kárášjoga gielddas lea belohahkii rahppojuvvon.
Luodda lea rabas p-sajis Jeagilvármáđii geahčen čuoiganbartii (ovdalis ruksesruossa bartta).
– Dáhttot olbmuid johtit várrogasat. Fuomášuhttit maid ahte skohterláhttut mat rasttildit jogaid ja jávrriid eai leat rahppon, čállá Kárášjoga gielda.
Kárášjoga gielda deattuha ahte ii leat dorvvolaš rasttildit jávrriid ja jogaid. Gielda giitá Kárášjoga skohter- ja ATV-searvvi veahki ovddas go leat sáhttán rahpat luotta ná árrat.