Romssa dievdu (72) jámii maŋŋel go sutnje njoamui koronavirus. Da lea 12. olmmoš Norggas gii lea jápmán koronavirusii.
Dievdu jámii iežas ruovttus mánnodateahkeda, dieđihii Romssa suohkan preassakonferánssas disdaga.
Ambulánsa vulggii dohko go dievddu lagamus olbmot válde oktavuođa.
– Sii válde oktavuođa ambulánssain, ja bargit ledje doppe go dievdu jámii. Ii lean vejolaš gádjut su, dadjá váldosuohkandoavttir Kathrine Kristoffersen.
Lea vuosttaš olmmoš Davvi-Norggas gii jámii virusa dihte.
Dievddus ledje eará buozalmavuođat, dieđiha Davvi-Norgga Universitehtabuohcciviesu fáhkkamedisiinnalaš klinihka hoavda John Mathiesen. Sii eai atte eambbo dieđuid dievddu birra bearraša dihte.
(©NTB)
