Dásseárvo- ja vealahanáittardeaddji ráđđeaddi Shorish Azari logaldalai seksuálalaš loavkašuhttima birra, mo galgá eastadit, mo galgá dustet jus oažžu dieđu ja makkár njuolggadusat ávžžuhuvvojit leat.
– Munnje lea muitaluvvon dan oanehis áiggis go lean leamašan dáppe ahte sámi servodagas lea jávohis kultuvra fáttá birra, logai dásseárvo- ja vealahanáittardeaddji ráđđeaddi Shorish Azari.
– Čájehit ahte váldet duođaš ášši
– Mun smiehtan ahte Sámedikkis lea dehálaš rolla dan oktavuođas, go sii sáhttet leat ovdagovvan sámi servodahkii. Gos čájeha ahte Sámediggi ásahussan, muhto maiddái politihkalaččat, váldá duođaš ášši ja lea mielas bidjat doaimmaid johtui, deattuhii Azari.
– Dehálaš hállat fáttá birra
Dásseárvo- ja vealahanáittárdeaddji ráđđeaddi maid deattuhii man dehálaš rabasvuohta lea:
– Lea dehálaš hállat fáttá birra, mii lea hui dávjá dat vuosttaš lávki, lohká dásseárvo- ja vealahanáittardeaddji ráđđeaddi Shorish Azari.
Azaari deattuhii ahte lea son guhte vásiha unohasvuođaid guhte mearrida lea go seksuálalaš loavkašuhttin vai ii.
