-Almmuhus-
-Almmuhus-
KULTUVRA Vuosttaš konsearta Guovdageainnus

Vuosttaš konsearta Guovdageainnus

-

-

Guhkesbearjadaga čuojahii Ingá-Máret Gaup-Juuso vuohččan iežas ođđa joavkkuin Guovdageainnus.

Ingá-Máret Gaup Juuso doalai konseartta iežas ođđa joavkkuin guhkesbearjadaga Guovdageainnus.

Sutnje lei stuora gudnii go musihkkafestivála bovdii su iežas ođđa joavkkuin boahtit čuojahit Guovdageidnui beassážiid.

 

Finna eahket

Gaup Juuso lohka beassážiid hui buorre dovdu dáppe Guovdageainnus go beassá juoigat.

– Mu mielas šattai hui fiinna eahket odne go mii beasaimet čuojahit.

Ingá-Máret lea ovdal doallan konsearttaid ja juoigan Guovdageainnus beassážiid, muhto lea vuohččan go iežas ođđa joavkkuin čuojaha dáppe beassážiid.

 

Veaháš hástalusat

Son lohka iežas leamašan hui gealdagasas ovdal konseartta, ja su sávaldat lei áhte buot manna bures.

– Hui somá lei, váikko veaháš hástalusat ledje go joavku lea nu ođas. Muhto mii čovddiimet lihka hui bures dál dán konseartta.


VUOHČČAN OĐĐA JOAVKKUIN: Guhkesbearjadaga gullui Ingá-Máret Gaup-Juuso & Tundra Music joavku vuosttaš geardde Guovdageainnus. Govven: Ann-Karoline Eira

Son lohka iežas hui duđavažžan konsearttain, ja lohka áinnas boahtit nuppes ruovttoluotta čuojahit jus bovdejit sin.

-Almmuhus-