-Almmuhus-
-Almmuhus-
VALÁŠTALLANVuosttaš junior-máilmmemeašttir

Vuosttaš junior-máilmmemeašttir

-

-

Anette Børve Hernes (17) šattai máilmmimeašttirin juniorluohkás go bođii ovddemussan mollii Finnmarksløpet gilvvus.

Lei garra gilvu go junior-luohká beanavuoddjit Finnmarksløpet beanavuodjimiin bohte mollii, beal guovtti áigge sotnabeaivvi. Vuoiti Anette Børve Hernes lei iežas guđain beatnagiin dušše moadde čuođi mehtera ovdalis Hanna Lyreka gii bođii nubbin. Norgalaš- ameriikkalaš Lyrek ollii molli dušše guokte minuvtta maŋŋel Hernes.

 

Vuosttaš junior máilmmemeašttir

Finnmarksløpet čállá ge iežaset neahttasiidduin ahte Anette Børve Hernes lea vuosttaš máilmmimeašttir guhkesgaskkaid beanavuodjimis. Son ádjánii sullii golbma diimmu Joatkkas Áltái. Su beanaráidu lea ruohttan 13 diimmu ja boddu lei sus badjelaš 12 diimmu. 

Ovdal vuoitán

Anette Børve Hernes boahtá Eidfjordas Hardangeris, lea norggameašttir diimmá Femundløpet beanavuodjimiin. Son šattai maid goalmmádin diimmá Finnmarksløpet gilvvuin.

Dán guoktása maŋŋel bohte dát nieiddat mollii: Guro Krempig, Mina Skjøthaug Karlstrøm ja Elisabeth Uglebakken.

Mánnodat iđida lei medáljajuohkin Álttá guovddážis. Dán luohkás ledje oktiibuot ovcci gilvaleaddji.

-Almmuhus-