Njukčamánu 1. beaivvi lágiduvvui Murmánskkas vuosttaš nissonforum davábealde Polargierddu.
Fylkkasátnejođiheaddji Ragnhild Vassvik oasálasttii doppe ja searvvai earret eará dásseárvvodebáhttii, čállá Finnmárkku fylkkagielda preassadieđáhusas.
Nissonforumii serve nissonolbmot Ruošša, Norgga, Suoma ja Ruoŧa nissonolbmot, ja ovddastedje eiseválddiid, ealáhusaid, akademiija, dáidaga, kultuvrra ja eaktodáhtolaš servviid.
Vassvik lei bovdejuvvon searvat plenumdebáhttii mas digaštallojuvvui nissonolbmo rolla ođđaáigásaš servodagas. Debáhttii searvvai maid earret eará Murmansk Oblasta guvernevra Marina Kovtun.
Debáhtas deattuhii fylkkasátnejođiheaddji Norgga nissonolbmuid oasalástima fidnoeallimis, sohkabealeari, alit oahpu ja váhnenpermišuvnna juohkima.
Vassvik deattuhii maid ahte Norggas ii ge leat nissonrahčan nohkan, muhto lea oktilaš proseassa.
– Dásseárvorahčamuš vuitojuvvo dihtomielalaš politihkain ja dáhtuin. Ollu lea olahuvvon, muhto ollu lea ain báhcán olatkeahttá, lohká Vassvik.
