Ávvira oaggungilvu lea bistán golbma vahkku ja goalmmát vahkku vuoiti lea Inga Risten Buljo.
Ávvira oaggungilvu lea bistán golbma vahkku ja goalmmát vahkku vuoiti lea Inga Risten Buljo.
Inga Risten Buljo leamaš oaggumin Lákkovuonas ja lea goddán dorski.
Son lea dušše 5 ½-jahkásaš muhto hui viššal oaggut.
Go Ávvir riŋgii dieđihit ahte lea vuoitán, muitalii su eadni ahte lei ieš háliidan mearas oaggut.
Doppe oaččui ge su vuosttaš mearraguoli.
Muđui láve Inga Risten viššal jieŋa alde oaggut.
Inga Risten illuda go gullá ahte lea vuoitán Guollelihkku-gilvvus ja oažžu ođđa oaggunstákku.
Ávvira oaggungilvu bistá gitta borgemánu 5. beaivái diibmu 24.00 rádjái.
Gilvvus leat guokte luohká, Luossagonagas dahje -dronnet, masa ollesolbmot sáhttet searvat luosaiguin.
Váldovuoitu dán gilvvus lea 5000 ruvnno árvosaš skeaŋkakoarta, man vuorbádit buot oassálastiid gaskkas.
Nubbi luohkká, «Guollelihkku», lea mánáid várás.
Váldovuoitu das lea 1500 ruvdnosaš skeaŋkakoarta man vuorbádat buot oasseváldiid gaskkas.
Dán luohkás vuorbádat maid oaggunstákku vahkkosaččat, sin gaskkas geat dan vahku leat oassálastán.
Mannan vahkus ii searvan oktage rávis olmmoš luohkkái, danne eat leat das vuorbádan vuoiti.
Ávvir sávvá ain olu guollelihkku Inga Ristenii!
