Dán vahkkoloahpa vuittii Lill Tove Somby iežas heasttain Knight’s Tia, man eaiggáda ovttas iežas etniin Anja Marita Niittyvuopion, V5-2 doalvegilvvuin Harstadas.
Dán vahkkoloahpa vuittii Lill Tove Somby iežas heasttain Knight’s Tia, man eaiggáda ovttas iežas etniin Anja Marita Niittyvuopion, V5-2 doalvegilvvuin Harstadas.
Dán vahkkoloahpa lágidii Harstad Travpark nuppes juo Norgga davimus V75 doalvegilvvuid Harstadas. Dáppe vuittiige Lill Tove iežas heasttain Knight’s Tia, man eaiggáda ovttas iežas etniin Anja Marita Niittyvuopion, V5-2 gilvvu.
Vuosttaš háve vuoitán
Lei heastta vuosttaš stuorra vuoitu, ja Lill Tove lea ieš hui duđavaš.
– Lei hui somá vuoitit. Lei erenomáš somá go lei heastta vuosttaš dákkár vuoitu, dadjá Lill Tove.
Sus lei mielde nubbi heasta, muhto das ii mannan nu bures gilvvuiguin.
– Áidna lei ahte dat bijai persovnnalaš olahusa, muitala Lill Tove.
Ruhtavuoitu
Lill Tove ja su eadni heasta Knight’s Tia, vuittii Harstadas gilvvus mas lei 20 000 ruvnnu vuosttas vuoitu. Lill Tove eadni ii lean mielde doalvegilvvuin Harstadas, muhto oaččui dieđu Lill Toves ahte lea vuoitán.
– Eadni diđii son bođii vuoitit, čaibmá Lill Tove.
Beakkán heastavuoddji
Eirik Høytomt, guhte lea okta dain Norgga buoremus vuoddjin, vujii Lill Tove heasttain.
– Mun gullen son lei boahtimin Harstadii ja dieđihedjen iežan sisa. Mun ledjen dat áidna gii ledjen dieđihan iežan sisa ja nu dat šattai ahte son vujii mu heasttain, čilge Lill Tove guhte lei hui movttat go oaččui su vuoddjin.
Máŋga jagi bargan doalveheasttaiguin
Lill Tove lea guhká juo bargan doalveheasttaiguin.
– Mun álgen go ledjen 18-jagi, muitala Lill Tove.
Son ii loga goitge iežas hárjehallan mo ge erenomážit doalvegilvvuide Harstadas.
