-Almmuhus-
KULTUVRA Vuosttaš geardde go sámi dáiddár ovdanbukto Bergena feasta­riepmo­dáiddárin

Vuosttaš geardde go sámi dáiddár ovdanbukto Bergena feasta­riepmo­dáiddárin

-

-

Sámediggi doarju Bergena dáiddasearvvi ja sámi čájáhusa 200 000 ruvnnuin.

Sámi dáiddár Joar Nango lea jagi 2020 feastariepmočájeheaddji Bergena Kunsthallas. Feastariemut leat okta Norgga deaŧaleamos dálááiggi dáiddačájáhusain, ja adnojuvvo leat okta dain árvvoleamos bargogohččumiin maid Norgga dáiddár sáhttá oažžut iežas riikkas.

Sámediggeráđđi lea mearridan doarjut Bergena dáiddasearvvi ja sámi čájáhusa 200 000 ruvnnuin. 

Maŋiduvvon lágideapmi

Plána mielde galggai feastariepmočájáhus, mas Joar Nango lea mielde, lágiduvvot áigodagas miessemánu 21. beaivvi borgemánu 16. beaivái, muhto lea maŋiduvvon čakčii ja rahppojuvvo čakčamánu 4. beaivvi. Lágideaddji mielas dát dilli lea váttis dan dáfus go prošeavttas galget čoahkkimat ja čoahkkinarenat. Ohcci ja dáiddár barget ovddos guvlui de go lágideapmi čađahuvvošii plána mielde, muhto sii leat árvvoštallan njuovžilis molssaeavttuid jus buot ferte loahpahuvvot.

Áigot doarjagiin leat mielde ollašuhttit plánaid

Sámediggi čállá preasadieđáhusas ahte Joar Nango máŋggabealat dáiddalaš bargguid oktavuođas beroštahttá álgoálbmotidentitehta ja dekolonialiseren su, dávjá daid vuostálasvuođaid vuođul maid son áicá dálááiggi arkitektuvrras.

Joar Nango čájáhus lea vuosttaš geardde go sámi dáiddár oahpásmahttojuvvo Bergena feastariepmodáiddárin.

– Dat illudahttá go Joar Nango lea dán jagi feastariepmočájeheaddjin dakkár stuorra ja árvvus adnojuvvon lágideamis. Sámediggeráđđi áigu doarjagiin leat mielde ollašuhttimin dan. Mii leat dál dakkár earálágan ja erenoamáš áiggis masa mii fertet heivehit iežamet, muhto doaivut ahte čájáhus sáhttá čađahuvvot čakčii, dadjá sámediggeráđđi Henrik Olsen (NSR) preassadieđáhusastis.

Prošeakta lea bures plánejuvvon ja galgá mielde čájeheamen gelddolaš servodatdigaštallama ja sojuid sámi dáidagis ja dáiddáris. Dat go Nango lea váldočájeheaddjin ja «kuratevran» ollislašvuhtii iežas profiilla oktavuođas feastariepmodáiddárin, de dat addá vejolašvuođa čalmmustahttit earálágan jurddašeami ja earálágan dáiddahámi stuorra álbmogii, čállá Sámediggi.

- Advertisement -
-Almmuhus-