Vuosttaš geardde lea Fefo bidjan johtui beaiveealgabivddu, álggus vuos dušše guovtti bivdoguovllus.
Vuosttaš geardde lea Fefo bidjan johtui beaiveealgabivddu, álggus vuos dušše guovtti bivdoguovllus.
Dál sáhttá akto vuolgit moatti beaivái bivdui jus háliidat, go FeFo lea ásahan golmmabeaivvi bivddu vuosttaš geardde. Bivdu álgá skábmamánu 15. beaivvi, ja bistá gitta juovlamánu 4. beaivái.
Bivdoguovllut gos álggahuvvo dát erenoamáš bivdu leat bivdoguovlu 23-Rávttošnjárga ja 22-Bastin.
Golbma beaivvi
Eavttut bivdui leat ahte galgá dohkkehuvvon guorranbeana, ii leat mearri gallis bivdojoavkkus galget leat, oažžu vaikke akto bivdit, ja earri lea miessi ja nuorra ealli.
Bivdu lea juhkkon golmma áigodahkii:
15.11 – 17.11
18.11 – 20.11
29.11 – 01.12
01.12 – 04.12
Ovddemus beassá oastit
FeFo leat maid mearridan ahte ii galgga vuorbádeapmi sin gaskkas geat áigot oastit bivdobeivviid, sii láigohit bivddu sutnje gii ovddemus buktá ruđa. Oastit galgá bivddu njeallje beaivvi ovdal go bivdu álgá, ja FeFos dieđihit ahte bivdokoartta sáhttá oastigoahtit skábmamánu 11. beaivvi.
Jus it leat beassan mannan čavčča bivdit, dahje it leat doarvái beassan bivdit, ja lea astu, de lea dál vejolašvuohta vuolgit ealgabivdui.
