-Almmuhus-
GUOIMMUHEAPMI– Vuosttaš gažaldaga veadjemeahttun diehtit!

– Vuosttaš gažaldaga veadjemeahttun diehtit!

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Svein Arild Mienna
Ahki: 27
Guovlu: Kárášjohka
Bargu: Studeantta

 

1. Gii lei Ávvir aviissa vuosttaš váldodoaimmaheaddji?

Ávvira geassegilvu

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 dahje 3 čuoggá, dan mielde makkár ivnni vállje; rukses dahje alit. Rukses gažaldagat leat váddáseappot. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvalusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvalus lea váddáseamos ja jus dan máhttá, de oažžu 15 čuoggá. Alit árvalusain oažžu 10 čuoggá ja ruoná árvalusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.15-15.8.15.

– Hehe, ii dan goit dieđe.. Mun geahččalan árvidit Isak Saba, lohka Mienna ja čaimmiha.

Rievttes vástádus: Ánte Bals

 

2. Mii dáhpáhuvvá go mánnu olle eatnama ja beaivváža gaskii?

– De šaddá beaivvášsevnnjodeapmi. Dan mun gal dieđán lea riekta.

Riekta.

 

3. Mo lea loahppa dán sátnevádjasis: «Gohčo beatnaga ja.. »

– Oooo, dien gal in leat gullan ovdal. Vuoi … Mun geahččalan vástidit «gohčo beatnaga ja biepma dan».

Rievttes vástádus: … Mana ieš.

 

Go Svein Arild ii vástidan riekta buot golbma vuosttaš gažaldaga, de son ii mannan viidáset gilvvus. Muhto son beassá geahččalit vástidit ovtta árvalusa mainna sáhttá oažžut 5, 10 dahje 15 čuoggá, dan mielde makkár ivnni vállje. Rukses árvalusa lea váddáseamos, ja jus dan vástida riekta de oažžu 15 čuoggá. Alit árvalusain oažžu 10 čuoggá ja ruoná árvalusain ges 5 čuoggá.

Mienna válljii alit ivnni ja de oaččuige dán árvalusa:

Gii máhttá buot gielaid?

– Dat gii máhttá buot gielaid gal lea sátnegirji. Dat gal lea várra buorre vástádus, lohká Mienna.

Rievttes vástádus: Báktegájanas

 

Galle čuoggá oktiibuot: 1 čuokkis

– Gal dat ledje váttis gažaldagat. Dien vuosttaš gažaldaga goit lei veadjemeahttun diehtit, lohka Svein Arild.

Juohke gilvaleaddji beassá hástalit ođđa gilvaleaddji Ávvira geassegilvui ja Svein Arild Mienna hástala Láilá Katrine Holmestranda.

– Mun háliidan hástalit Láilá Katrine Holmestrand searvat go son das boagusta go mun in máhte vástidit riekta.

Njunnošis: Risten Turi Aleksandersen 12 čuoggáin

Geassegilvu lea maid deaddiluvvon lávvordat báberáviisii.

-Almmuhus-