Fylkkasátnejođiheaddji Ragnhild Vassvik jođihii Barents regiovdnaráđi vuosttaš deaivvadeami Finnmárkku jođiheamis.
Fylkkasátnejođiheaddji Ragnhild Vassvik deaivvadii Suoma, Ruošša ja Ruoŧa bargoskihpáriiguin Roavvenjárggas mannan vahkku go jođihii Barents regiovdnaráđi vuosttaš čoahkkima Finnmárkku jođiheamis.
Vuoruhit nuoraid
Finnmárku ovttasbargá Ruoŧain mas lea dat nationála jođiheapmi, ja goappašagain leat nuorat dehálaš vuoruheapmin. Ovttasbarggus lea sierra nuoraidráđđi man áŋgiris olbmot miehtá regiovnna leat ceggen.
Ráđis lea mihttun nannet ja oažžut Barentsregiovnna eambbo geasuheaddjin vai nuorat sáhttet gazzat oahpu ja bisánit davás. Doarjun dihte dán dehálaš barggu mearridedje ruhtadit nuoraidráđi golmma jahkái.
Olbmot-olbmui ovttasbargu
Dehálaš eaktu olbmot-olbmui ovttasbarggus davvin lea vejolašvuohta álkibut oažžut oktavuođa earáiguin.
Dat lea erenoamáš dehálaš sidjiide davvin geat orrot guhkálaga viiddis guovlluin.
Ii galggaše atnu visumii
Barentsregiovnnas ii galggašii atnu visumii. Ráđđi hásttuha danne eiseválddiid joatkit dakkár ortnega bargguin.
Visumfriddjavuohta lea dehálaš gaskaoapmi nannet gulahallama rájiid rastá. Dál mis leat earenoamáš deaivvadanbáikkit, nu go Barents Games, gos measta 1000 valáštallanuora besset gilvvohallat vuostálaga. Visumfriddjavuohta dagašii hui olu álkibun nuoraide ja earáide deaivvadit.
Áigot ealáskahttit Barentsovttasbarggu
– Jođihemiin mii háliidit ealáskahttit Barentsovttasbarggu, cealká Ragnhild Vassvik preassadieđáhusas.
– Ráđđi ferte šaddat arenan reála politihkalaš gulahallamii dáppe davvin. Danne lean ilus go leat ovttaoaivilis friddja lihkadeami birra Barentsregiovnnas, dadjá fylkkasátnejođiheaddji.
Gulahallan ja ovttasbargu davvin joatkašuvvá.
– Dat lea illudahtti, loahpaha Vassvik.
