Bearjadaga lei vuosttaš skuvlastreaika dan rájes go servvodat fas rahppui. Oslo, Åsa, Stavangera, Bergena ja Romssa nuorat oassálaste dálkkádatstreaikkas.
– Go mánát ja nuorat vuostálastet eanabillistemiid dan dihte go rávis politihkkarat leat oađđán skuvladiimmuin, de oaivvildan mun ahte streaika lea buoret investeren boahtteáigái go makkárge eará skuvladiibmu, dadjá Grønn Ungdom ságadoalli, Ulrikke Torgersen, NTB:i.
Ovttas máŋggalogi nuorain, lei Torgersen Stuorradikki olggobealde streikemin dálkkádaga dihte. Miljøpartiet De Grønne (MDG) ovddasteaddjit ledje maid doppe, earret eará bellodatjođiheaddji Une Bastholm ja stuorradiggeáirasat Lan Marie Berg ja Rasmus Hansson.
Lei Ruoŧa dálkkádataktivista, Greta Thunberg, guhte almmuhii skuvlastreaikka Twitteris ođđajagemánus.
– Searvva streikii dálkkádaga ja vuoiggalašvuođa dihte ja gáibit ahte sis geain lea vuoibmi vuoruhit dálkkádaga, čálii Thunberg Twitteris.
Streaika organiserejuvvui Fridaysforfuture nuoraidlihkadusa vuođul, ja riikkat miehtá máilmmi leat searvan. Norggas lágiduvvojedje skuvlastreaikkat viđa gielddas, Oslos, Åsas, Stavangeris, Bergenis ja Romssas.
(©NTB)
