Guovdageainnu suohkanis leat váldán dán rádjái badjelaš 40 iskosa, ja dál lea vuosttaš iskkusboađus mii čájeha koronadávdda.
– Dál lea okta olmmoš Guovdageainnu geas lea čájehuvvon covid-19. Olmmoš lea leamaš mátkkis ja lea leamaš ruovttus erremis dan rájes go ollii ruoktot, ja šaddá dál ruovttusirremii. Min njoammunsuddjendoavttir čađaha njoammunguorrama, čállá Guovdageainnu suohkan.
Guovdageaidnu sátnejođiheaddji Hans Isak Olsen lohká aitto belliid ožžon dieđu dan birra ahte Guovdageainnus lea duođaštuvvon koronadávda (Covid-19)
– Dal in dieđe eambbo go ahte dát olmmoš leamašan mátkkis ja ahte son ii leat heittot. Son leamašan erremis dan rájes go bođii mátkkis ja dál lea isolašuvnnas. In dieđe agi inge sohkabealli vel, dadjá Olsen.
Ávvir čuovula ášši.
