Norga oažžu bearjadaga 1400 dosa boahkuid ábegáhttoboahkkodávdda vuostá, dieđiha EU gearggusvuođaorganisašuvdna Hera NTB:i.
– Riikan mii lea čadnon EU EU4Health dearvvašvuođaprográmmii, de lea otná 1400 dosa buktin Norgii mii galgá veahkehit dearvvašvuođaeiseválddiid iežaset bargguin, buorre ovdamearka albma eurohpálaš solidaritehtas mii čájeha ahte leat gievrrat go bargat ovttas, dadjá EU dearvvašvuođakomissára Stella Kyriakides e-poasttas NTB:i.
Maŋimuš vahkkuid lea EU oastán badjel 160 000 dosa boahkuid ábegáhttoboahkkodávdda vuostá, ja lea sáddegoahtán oasseválderiikkaide gos lea stuorámus dárbu.
Dán rádjái leat dávddas registrerejuvvon 67 Norggas, 14 800 dáhpáhusa EU:s ja 31 800 máilmmis.
