-Almmuhus-
-Almmuhus-
KULTUVRA Vuosttaš artisttat almmuhuvvon

Vuosttaš artisttat almmuhuvvon

-

-

Sørøyrocken lea dál almmuhan vuosttaš artisttaid geat galget čuojahit Sállanis boahtte geasi.

Sørøyrocken lágiduvvo sállanis juohke geasi, ja dál lea festivála almmuhan golbma vuosttaš joavkku mat galget čuojahit doppe boahtte geasi.

 

ISÁK

19-jahkásaš Ella Marie Hætta Isaksen lea ISÁK joavkku lávlu, ja ovttas buvttadeddjiin Daniel Erikseniin ja rumboderpiin Aleksander Kostopoulosiin galgá son guoimmuhit Sørøyrockenis boahtte geasi.

– Joavku seaguha juoigama urbána synthaiguin, ja lávlot sihke eŋgelasgillii ja sámegillii, čállá festivála preassadieđáhusas.

 

Fámolaš jietna

Sørøyrockenis galgá maid Kristian Kristensen čuojahit.

Son lea ožžon olu rámi iežas fámolaš lávlunjiena dihte.

– Sørøyrocken lea viggan ovdal maid su oažžut boahtit festiválii lávlut, ja dál leat viimmat nagodan dan. Kristian lea aiddobáliid heaittihan Norgga turnea, ja musihkkaárvvoštalliid leat leamašan hui duhtavaččat su konsearttaiguin, čállet lágideaddjit.

 

Ođđa musihkkajoavku

Hollow Hearts lea oalle aiddo ásahuvvon, ja leat davvi-norgalaččat geat čuojahit joavkkus.

Sii leat ožžon olu rámi iežaset konsearttaid dihte, ja sii galget maid čuojahit Sállanis boahtte geasi.

- Advertisement -
-Almmuhus-