Ávžžuhus levget eará go Norgga ja Sámi leavggain gielddaid leavgastággui lea boktan vuosttaldemiid.
Dagen aviisa čállá ahte leat birrasii 100 priváhta olbmo geat leat dieđihan vuostehágu ráđđehusa evttohussii ahte gielddat sáhttet ieža válljet makkár leavggain levgejit. Ráđđehus lea ovdanbuktán sávaldagaid levget arvedávgeleavggain, mainna olu gielddat leat jo levgen, lea sivva rievdadit leavgalága.
– Mis lea okta identitehta, ja dat čájehuvvo Norgga leavggas. Mun in hálit luvvet dan, dadjá Arvid Solheim Kristiansandas, priváhtaolmmoš gii vuosttalda evttohusa.
Dan evttohusa gulaskuddanáigemearri lea boahtte vuossárgga. Dálá njuolggadusaid mielde ferte lágiduvvot sierra lágideapmi fysalaččat ráđđeviesus vai galgá sáhttit levget ovdamearkka dihte arvedávgeleavggain.
– Mii leat okta máŋgga gielddas mat leat válljen levget arvedávgeleavggain eat ge beroš lágain. Mii háliidat ahte rievdaduvvo, dadjá Kristiansand sátnejođiheaddji Jan Oddvar Skisland (Bb).
©NTB
