-Almmuhus-
-Almmuhus-
-Almmuhus-
OĐĐASATVuoste­ávdnasat suddjejit ovcci mánu

Vuoste­ávdnasat suddjejit ovcci mánu

-

-

Olbmot geat leat buohcan koronavirusiin suddjejuvvojit vuosteávdnasiin unnimusat ovcci mánu, čájeha ođđa dutkan. 

96 proseanttas sis geain leamaš koronavirus leat vuosteávdnasat rupmašis mat suddjejit ođđa njoammumiid unnimusat ovcci mánu, čájeha ođđa Ruoŧa dutkan. Dasa lassin duođaštuvvo dán guorahallamis ahte lea hui smávva riska nuppes oažžut koronavirusa, dieđiha SVT.

Mannan giđa álggahedje Danderyds sjukhus ja Karolinska Institutet dutkama mas iske dearvvašvuođabargiid guhkitáigge immunitehta koronavirusa vuostá. Dutkama goalmmát oasis gávnnahedje ahte masá buot 360 oasseváldi ledje ain suddjejuvvon vuosteávdnasiin ovcci mánu maŋŋel go ledje buohcan koronavirusiin. 

– Olbmot geain leamaš duođaštuvvon koronavirus berrejit vuordit boahkuhemiin nu ahte earát geain lea dárbu ožžot boahkuid álggos, dadjá dutki Charlotte Thålin. 

(©NTB)

-Almmuhus-