-Almmuhus-
-Almmuhus-
OĐĐASAT Vuoru­hit guolástus­rihkkus­áššiid

Vuoru­hit guolástus­rihkkus­áššiid

-

-

Ealáhus- ja Guolástusdepartemeantta ja Økokrim ovttasbargu galgá nannet politiijaid rahčamuša guolástuskriminalitehta vuostá.

– Guolástuskriminalitehta lea duođalaš servodatváttisvuohta. Dat lea ekonomalaš kriminalitehta ja áitá máilmmi guolleresurssaid. Dat maid dagaha vuoigatmeahttun gilvvu ja ráŋggášta rehálaš aktevrraid. Danne lean ilus go mii beassat luoikkahit min ovddimus áššedovdiid guolástuskriminalitehtas, nu ahte sáhttit nannet Økokrima gelbbolašvuođa dán suorggis, dadjá guolástusministtar Odd Emil Ingebrigtsen (Olgeš).

Luoiká guolástuskriminalitehta áššedovdiid

Ealáhus- ja guolástusdepartemeanta galgá jagi ovddasguvlui luoikat ovtta mielbargi Økokrimii. Ráđđeaddi Eve de Coning lea ovdal bargan guolástuskriminalitehtain Kriposis ja Interpolas. Suoidnemánu 1. beaivvi rájes galgá son hospiteret Økokrimas.

– Dat go Ealáhus- ja guolástusdepartemeantta fágaolbmot dál galget ovttasbargat Økokrimain guolástuskriminalitehta vuostá, čájeha ahte politiijat barget áibbas eará vuogi mielde dál go ovdal. Kriminalitehta lea rievdan, ja de fertejit politiijat maid organiseret áibbas eará vuogi mielde, dadjá justiisa- ja gearggusvuođaministtar Monica Mæland (Olgeš).

– Mii leat lihkolaččat dán ovttasbarggu ovddas Ealáhus- ja guolástusdepartemeanttain vuostálastit kriminaliteahta guolástusealáhusas. Dát lea dehálaš suorgi Økokrimii, ja go Eve de Coning hospitántan oažžut, de nannejuvvojit min doaibmanávccat dárkkistit guolásteami, dadjá Økokrim-hoavda Pål Lønseth.

- Advertisement -
-Almmuhus-