Finnmárkku fylkkagielda ii golat ruđaid juovladearvvuođaide ja almmuhusaide, fylkkasátnejođiheaddji baicce skeŋke ruđaid Rukses Ruossa veahkkebargui.
Finnmárkku fylkkasátnejođiheaddji Ragnhild Vassvik ii vuorut ruđaid juovladearvvuođaid almmuheapmái, son baicce doarju Rukses Ruossa veahkkebarggu orjješdavvi Ruoššas.
– Mun fievrridan ovddeš fylkkasátnejođiheaddji Runar Sjåstad dábi viidáset, in ge golat ruđaid juovladearvvuođaide ja eará almmuhusaide aviissain, dadjá son fylkagieldda neahttasiidduide.
Dehálaš ulbmil
Fylkkasátnejođiheaddji skeŋke 7000 ruvnnu Rukses Russii maid galget geavahit mállásiid guossohit Ura Gubas.
– Dá lea veahá biebmoruhta ávkkálaš doibmii. Dán oktavuođas sávan vel buriid juovllaid bargiide, ovttasbargoguimmiide ja eará finnmárkulaččaide, dadjá Vassvik.
