-Almmuhus-
-Almmuhus-
OĐĐASAT Vuorraseappot juhket dávjjimusat – nuorat fas eanemusat

Vuorraseappot juhket dávjjimusat – nuorat fas eanemusat

-

-

Juohke goalmmát juhká alkohola unnimusat oktii vahkkus. Nuorat juhket eanemus juhkosiid, ja badjel 66-jahkásaš olbmot juhket dávjjimusat.

2018:s juhke 35 proseantta Norgga álbmogis alkohola unnimusat oktii vahkkus, ja leat dávjjibut dievddut go nissonat geat juhket alkohola, čájehit ođđa statistihkkalogut mat gusket duhpáhii, alkoholii ja eará gárihuhttinávdnasiidda.

Leat smávva sohkabealerohusat loguin sin gaskkas geat juhket juohke mánu.

Muđuid leat eanemusat nissonat geat hárve juhket ja geat eai leat juhkan maŋemus 12 mánu, čállá Statistihkalaš Guovddášdoaimmahat (SSB).

 

Erohusat man olu juhket

Leat erohusat man dávjá olbmot juhket. Ollugat válddestit viidnaláseža dahje moadde vuollaga lávvordateahkeda, ja muhtimat juhket ollu eanet juhkosiid.

Vihtta proseantta olbmuin lohket iežaset juhkat guhtta alkoholaovttadaga dilálašvuođas ovtta geardde vahkkus. 12 proseantta juhká seamma ollu oktii mánus.

Dušše guokte proseantta lohket iežaset juhkat nu ollu ahte dovdet iežaset sakka gárihuvvan, čállá SSB.

 

Nuorat eai juga nu dávjá, muhto juhket eambbo

Nuoramusaid gaskkas (16-24-jahkásaččat) lohket 22 proseantta vahkkosaččat juhkat, mii lea ollu unnit go vuorraset joavku, gos 44 proseantta lohket juhkat oktii vahkkus dahje dávjjit.

Go oaidná dan hivvodaga maid juhket, de rievdá ollislaš govva. Go lea čieža proseantta nuorain juhkan guhtta alkoholaovttadaga ovtta dilálašvuođas, de lea golbma proseantta vuorrasepmosiin juhkan seamma ollu, čállá SSB.

-Almmuhus-