Norggameara suvrodat lassána jođáneappot go ovdalaš iskosat leat čájehan. Dat leat heajos ođđasat galbmačáhcekorállaide mearrágáttiin.
Norggameara suvrodat lassána jođáneappot go ovdalaš iskosat leat čájehan. Dat leat heajos ođđasat galbmačáhcekorállaide mearrágáttiin.
Golbma jagi áigi guorahallui manne Norggamearas lassána suvrodat. Ođđa raporttas, mii almmuhuvvo duorastaga, čájeha ahte suvrodat ovdána jođáneappot čiekŋalis mearas go dat maid ovdal leat mihtidan.
Duođalaš dilli
Dálkkádat- ja birasministara Vidar Helgesen mielas lea vuorjašuhtti ovdáneapmi.
– Meara eallin sáhttá rievdat go mearas lassána suvrodat áiggi mielde. Dat sáhttá váikkuhit muhtin osiid ealáhusdoaimmain riddoguovlluin. Dát deattuha dálkkádatrievdama duođalašvuođa, lohká son.
Ekovuogádagas dehálaš
Helgesen deattuha váikkuhusaid leat hirbmat duođalažžan jus korállamearra jápmá.
– Dat leat dehálaččat min ekovuogádahkii mearas ja addet biepmu ja ássama ollu náliide, nu go muhtin dorskenáliide, sáiddiide ja hágaide, lohká son.
Raporta almmuhuvvo duorastaga fágabeaivvis man Birasdirektoráhtta ja Bjerknesguovddáš lágidit.
Mearradutkaninstituhtta, Norgga čáhcedutkaninstituhtta ja Uni Research leat gozihan meara suvrodaga buot Norgga mearain 2010 rájes.
(©NTB)
