-Almmuhus-
-Almmuhus-
OĐĐASAT Vuorddát go vearrodieđu poasttas? Geahča neahtas

Vuorddát go vearrodieđu poasttas? Geahča neahtas

-

-

640 000 olbmo ožžot dán jagáš vearrodieđu báberhámis, ja olusat vurdet dáid beivviid oažžut dan poastakássii.

Vearroetáhtta álggaha olggossáddema cuoŋománu 7. beaivvi, muhto eatnašat sáhttet juo geahččat vearrodieđu digitála hámis.

– Vaikko dábálaččat oaččut vearrodieđu báhpiris, de lea dus vejolašvuohta logget sisa skatteetaten.no siidui gos gávnnat vearrodieđu. Sáhtát geahččat, rievdadit ja addit vearrodieđu neahtas, ja oaččut maid vearrorehketdoalu árabut go báberhámis, muitala divišuvdnadirektevra Marta Johanne Gjengedal.

Ođđa digitála vearrodiehtu, mii almmuhuvvui diibmá, lea álkit ja eambbo čalmmus go ovddit. Dan vástidedje njealjis viđa olbmos jearahallaniskkadeamis.

-Almmuhus-