-Almmuhus-
-Almmuhus-
-Almmuhus-
OĐĐASAT– Vuorddán buori ságas­tallama sámi áige­guovdilis áššiid birra

– Vuorddán buori ságas­tallama sámi áige­guovdilis áššiid birra

-

-

Suoma Sámediggi dieđiha preassadieđáhusas ahte sii dollet dán jagáš ráđđádallanbeivviid gáiddusin gos sii loktejit áigeguovdilis sámeáššiid. Suoma Sámedikki ságadoalli Duomma Áslat Juuso cealká ahte son vuordá buori ságastallama. 

Čoahkkimii oasálastet Suoma ministeriijaid virgeolbmot ja Sámedikki ovddasteaddjit. Fáttát dán jagi leat eamiálbmogiid vuoigatvuođaid ollašuhttin Suomas sihke sámegiela ja kultuvrra hárrái.  Ráđđádallanbeivviid vuosttas beaivve lea buot ministeriijaide dárkkuhuvvon oktasaš oassi, goas gieđahallo eamiálbmogiid vuoigatvuođaid ollašuhttin Suoma riikkaidgaskasaš olmmošvuoigatvuođageatnegasvuođaid dáfus.

Sámiid guoskevaš áššit

 Suoma Sámedikki ságadoalli dadjá: 

– Vuorddán ráđđádallanbeivviin buori ságastallama sámiid guoski áigeguovdilis áššiin. Erenomážit lea dehálaš gieđahallat eamiálbmogiid vuoigatvuođaid ollašuhttima Suomas, dasgo Suomas ii dán rádjái leat válbmejuvvon álbmotlaš strategiija iige eamiálbmogiid vuoigatvuođaid julggaštusa ollašuhttin dáhpáhuva koordinerejuvvon hámis, dadjá Juuso preassadieđáhusas. 

Kulturbálvalusat

Ráđđádallamiid nuppi beaivve fáddán leat kulturbálvalusat ja guovddážiid ruhtadeapmi. Dasa lassin meannuduvvojit sápmelaččaid ealáhusat ja maiddái sámegielat ja dearvvasvuođabálvalusat.

Sámedikki bealis oassálastet ságajođiheaddji Tuomas Aslak Juuso, nubbi várreságajođiheaddji Anni Koivisto, ja goalmmát várreságajođiheaddji Leo Aikio. Dasa lassin oasálastá hálddahushoavda Pia Ruotsala-Kangasniemi.

Suoma vuoigatvuođaministeriija ja Sámediggi leat lágidan dan čoahkkima guđa geardde. 

-Almmuhus-