Dutkit lea iskkan makkár vuordámušat lullisámi boarrásiin lea ruovttubuohccedikšui.
Forskning.no čállá ahte dáruiduhttin lea vuođđun das manne dutki Tove Mentsen Ness Nord universitehtas lea iskkan makkár vuordámušat lullisámi boarrásiin leat ruovttubuohccedikšumii.
Váldogávnnus dutkamis čájehii ahte sámi boarrásiin leat seamma vuordámušat go obbalaččat boarrásiin sihke Norggas ja Ruoŧas.
– Dat deaŧalepmos lea ahte sii sávvet individuálalaš heiveheami go ožžot divššu. Ahte divššárat oidnet makkár divššu sii dárbbašit ja ahte divššárat leat máškideabbo, dadjá Ness.
