Boahtte vahkkoloahpas galgá Deanu nieida heaibut Davviriikkaid meašttirgilvvuin, ja leat alla vuordámušat sutnje.
Boahtte vahkkoloahpas galgá Deanu nieida heaibut Davviriikkaid meašttirgilvvuin, ja leat alla vuordámušat sutnje.
16-jahkásaš Synne M. Haagensen heaibu 56 kilosaš heaibunluohkás, ja lea máŋgii vuoitán gilvvuid maŋemus áiggi.
Njukčamánus šattai son duppal Junior Norggameašttirin ja nammaduvvui buoremus nissonheaibun dain gilvvuin.
Golbma nuorra finnmárkulačča
Miessemánu 26. beaivvis 28. beaivái lea Davviriikkaid meašttirgilvu heaibumis, mii lea Koldingas, Danmárkkus. Doppe galgá Norggameašttir geahččalit fasket medálja.
Eará Finnmárkku heaibut geat servet Davviriikkaid meašttirgilvvuide, leaba girkonjárgalaš Kaja Bergersen (52 kilo) ja Marion Bye (70 kilo).
