Vuoraš­ njárga lea ain gidde­juvvon

Norgga čázádat- ja energiijadirektoráhtta ja Álttá heahtejođihangoddi leat mearridan doallat Vuorášnjárgga ain gitta vánddardeddjiide. 

Mannan vahkku fierai stuora eananuđas Vuorašnjárggas lulábealde Álttá, mii válddii mielde gávcci vistti. 

Guovlu lea leamaš giddejuvvon vánddardeddjiide dan rájes go uđas fierai, ja gielddus bistá geassemánu 10. beaivvi diibmu 15:00 rádjái.  

Norgga čázádat- ja energiijadirektoráhtta (NVE) árvvoštallá dađistaga báikki ja sihkarvuođa. Maŋemus jándora ii leat ovdáneapmi báikkis. 

Heahtejođihangottis ja Norgga čázádat- ja energiijadirektoráhtas galgá ođđa čoahkkin Vuorašnjárgga uđđasa birra geassemánu 10. beaivvi. 

Dat čuožžu Álttá suohkana neahttasiiddus.