-Almmuhus-
OĐĐASATVuolláičállet ovttasbargošiehtadusa

Vuolláičállet ovttasbargošiehtadusa

-

-

Sámediggi, Troandima suohkan ja Lulli-Trøndelága fylkkasuohkan galget 21.10.2015 vuolláičállit ovttasbargošiehtadusa čalmmustahttit ahte lea 100 jagi vássán dan rájes go vuosttaš sámi riikkačoahkkin dollojuvvui Troandimis guovvamánu 6. b. 1917.

Sámediggi, Lulli-Trøndelága fylkkasuohkan ja Troandima suohkan leat soahpan ovttas čalmmustahttit dán sámiid historjjá ja sámi álbmogii deaŧalaš dáhpáhusa ávvudemiin 2017:s, ja dat lea ožžon namahusa Tråante 2017.

Tråante 2017 ulbmil lea ”čalmmustahttit, gaskkustit historjjá sápmelaččaid, sámi kultuvrra ja historjjá birra 100-jagi perspektiivvas”.

Ávvudeami čalmmustahttin dáhpáhuvvá iešguđet lágidemiiguin ieš Roandimis ja Roandima olggobealde.

– Dákko bokte lea ávvudeapmi ožžon golbma nana eaiggáda ja ávvudeami mas lea politihkalaš čatnaseapmi buot golmma ovttasbargobeallái. Dat sáhttá šaddat hui ávkkálažžan sivas go stáhta ii leat juolludan doarjaga ávvudeapmái ii ge dan plánemii jagi 2016 várás, dadjá sámediggepresideanta Aili Keskitalo.

-Almmuhus-