Fylkasátnejođiheaddji jođihii delegašuvnna mii lei Murmanskas vuolláičállimin ođđa ovttasbargošiehtadusa Finnmárkku fylkkagieldda ja Murmansk oblast ráđđehusa.
Fylkasátnejođiheaddji jođihii delegašuvnna mii lei Murmanskas vuolláičállimin ođđa ovttasbargošiehtadusa Finnmárkku fylkkagieldda ja Murmansk oblast ráđđehusa.
Mátkkis deaivvadii joavku Murmánskka fylkka guvernevrrain Marina Kovtunain, fylkadikki jođiheddjiin Mikail Ilinyhkain ja norgga generalkonsuláhtain. Delegašuvdna galledii maid norgalaš joatkkaskuvlla ja Barentsčállingotti.
– Dálá politihkalaš dilis lea erenoamáš dehálaš čalmmustahttit regionála ovttasbarggu. Mun lean danne erenoamáš ilus go leat vuolláičállán ođđa ovttasbargošiehtadusa ja go mis leat mielde ovddasteaddjit miehtá Davvi-Norggas, dajai Runar Sjåstad.
– Dán mátkis šattai maid sáhka báhtareaddjirávnnji birra mii šáviha Ruošša bokte Norgii, ja moai leimme goappašagat ovttaoaivilis das ahte lea ferte gávdnot bilaterála čoavddus jođáneamos lági mielde. Dát lea hástalussan goappašat bealde rájá, dajai Sjåstad.
Ásaheamen oktasaš dieđihanšiehtadusa
Joavku galledii Murmánskka seamma áiggis go Murmansk Business Week lágiduvvo, mii maid dáhpáhuvvá seammás go regionála norgga/ruošša bargojoavku mearradoalu birra, doallá vuosttaš čoahkkima. Dát joavku áigu ásahit oktasaš dieđihanšiehtadusa, dieđiha Finnmárkku fylkkagielda preassadieđáhusastis.
