Vefas Retur AS ja Sámi Beassášmárkanat Guovdageainnus leat soahpan birasovttasbarggu.
Vefas Retur AS ja Sámi Beassášmárkanat Guovdageainnus leat vuolláičállán soahpamuša mii geatnegahttá guktuid beliid láhčit dili nu ahte galgá leat álki doabbariid sirret iešguđet lihtiide ja gieđahallat doabbariid.
Ulbmil lea ahte Sámi Beassášmárkanat Guovdageainnus galget jođihuvvot ceavzilis vuogi mielde birrasa ektui.
– Sámi Beassášmárkanat Guovdageainnus vuoruha birrasa dán jagi. Danin leat seamma olu sirrenstašuvnnat go lávddi nalde artisttat. Guossit galget duođaid fuomášit ahte doapparsirren ja ođđasisgeavaheapmi vuoruhuvvo. Ovttasráđiid Vefas Retur AS:in láhčit mii dili vai buot min guossit galget sáhttit sirret iežaset doabbariid min doaluin, nu lohket Sámi Beassášmárkaniid preassadieđáhusas.
Vefasa guovdageainbargi Torbjørn Seppola bidjá doarvái sirrenstellegiid valáštallanhállii ja heargevuodjinbáikái. Vefas bidjá maid báikái kontaineriid iešguđetlágan doabbariidda vai festivála ieš sáhttá doabbariid sirret.
Sámi beassášfestivála lea ásahus Guovdageainnus ja lea šaddan dehálažžan sámi kultuvrra márkanastimii. Dan bokte sáhttet guovdageaidnulaččat vásihit čeavláivuođa ja oktavuođa, ja seammás leat dehálaš márkanat gos sáhttá čájehit gussiide sámi árbevieruid. Rivttes doappargieđahallan lea maid dehálaš jus galggaš leat ceavzilis festivála.
