– Mun nu illudan ovttasbargat Frank Bakke-Jenseniin, lohká Olgešbellodaga ovddeš sámepolitihkalaš čálli Daniel Sørdahl gii mánnodaga lávke departemeantta kantuvrraide.
– Mun nu illudan ovttasbargat Frank Bakke-Jenseniin, lohká Olgešbellodaga ovddeš sámepolitihkalaš čálli Daniel Sørdahl gii mánnodaga lávke departemeantta kantuvrraide.
Daniel Sørdahl lea Frank Bakke Jensena ođđa politihkalaš ráđđeaddi. Sørdahl lea bargan olgešbellodagas sámepolitihkalaš ráđđeaddin ja Davvi-Norgga Guovlluráđđeaddin olgešbellodagas.
Son lea bargan ollu sámi áššiiguin maŋemus jagiid, čállá olgešbellodat preassadieđáhusas.
Sámedikkis illudit
– Dá leat hirbmat buorit ođđasat, ja dát čájeha man lagas oktavuohta Olgešbellodaga sámediggejoavkkus lea ráđđehusain, muitala sámediggeáirras Nils Ante Oskal Eira.
– Sørdahl lea hui čeahppi, ja mii illudit suinna, dadjá Eira.
Ráđđeaddin EO-ministarii
Daniel Sørdahl lohká ahte son boahtá váillahit Olgešbellodaga Sámedikkis, muhto illuda bargat ovttas čeahpes politihkkáriin. Mánnodaga rájes doaibmagoahtá EO-ministara Frank Bakke-Jensen ráđđeaddin.
Sørdahl lea 28-jahkásaš Viestterálas eret. Sus lea masteroahppu organisašuvdna ja jođiheamis ja lea orron Romssas maŋemus jagiid.
Jonas Sørum Nymo galgá doaibmat sámepolitihkalaš čállin dál.
