-Almmuhus-
-Almmuhus-
GUOIMMUHEAPMI Vuoksá ferte luohttit alcces, čáhceolmmái ges suohtastallat

Vuoksá ferte luohttit alcces, čáhceolmmái ges suohtastallat

-

-

Dán vahku horoskohpa guoska Miessemánu 20.-26. beivviide.

FIERCA

21/3-19/4

Deháleamos lea luohttit dovdduide.

Fuolat fal dan maid háliidat ja dasa masa geavahat návccaid, ahte dasa lea ráfidovdu.

Dalle manná bures.

Jus it soabat iežat dovdduiguin, de manná eanaš áigi soahtat.

Dus lea muhtin cakkadeaddji dán vahkus.

Dat lea dat gievramus ja stuorámus buohkain: don ieš.

Jus leat iežainat ovttaoaivilis, de lea «dudnos» buorre ovttasbargu.

 

VUOKSÁ

20/4-21/5

Dál fertet iežat ala luohttit.

Jus eahpidat dasa maid ihkkenassii siskkáldasat dieđát lea riekta, de gal johtilit moivváskat.

Máŋgasis du birrasis leat oaivilat dasa maid galggašit bargat ja oaivvildit.

Dat áidna gii diehtá mii lea rievttes mearrádus ja rievttes válljejupmi, dat leat don ieš.

Du rumaš diehtá maid áiggot.

Luohte iežat dovdduide ja dasa mii du mielas orru leat duohtan.

 

JUMEŽAT

21/5-21/6

Dovddat iežat nanusin ja dárbbu ovddidit iežat ja iežat oaiviliid.

Daja dan maid guhká leat doallan iežat siste.

Buoremus beaivvi sáhtát maid ovddidit váttis áššiid nu čehpet ahte buot orru leamen buorre.

Jus leat leamaš niegut ja plánat maidda lea váttis leamaš bidjat sániid, de lea dál dasa hui vuogas áigi.

Ráfivuhtii geaidnu lea jurdagiid ráfuidahttit.

 

REABBÁ

22/6-22/7

Guldal jienaža iežat siste.

Dat muitala maid don duođaid háliidat.

Bija fal sániid dasa masa áibbašat, ozat ja áiggut.

Čájet daguiguin jurdagiid ja dovdduid.

Smiehta maid ahte lea áibbas ortnegis jus buot siskkáldas áššiid it hálit juogadit earáiguin.

Dat sáhttet leat čiegus áššit, dahje juoga mii lea nu čuovgi čáppa maid háliidat dušše ieš diehtit.

 

LEDJON

23/7-22/8

Dán vahkus lea plánen ja ovdabargu mávssoleabbo go bákkuin čađahit áššiid.

Jus dárbbašat earáiguin digaštallat maidege, de lea dál dasa áigi.

Áinnas galggat skihpáriiguin ovttastallat dál.

Jus ii leat dáhttu ja mokta, de goit it joavdda gosa ge.

Bargga dan maid lea miella.

Jus dat ii leat vejolaš, de bargga bággobarggu dan láhkai vai dat šaddá somán.

Dan gal nagodat.

 

BUHTISNIEIDA

23/8-22/9

Dál lea áigi láddan smiehttat ambišuvnnaid ja karrieara birra.

Maid áiggut ovddidit eallimis? Dus lea máŋga válljejumi maid dárbbašat dahkat.

Geavat jierpmi ja mearrit, vaikke it leat áibbas sihkar maid áiggot, dahje makkár boađus dás šaddá.

Lea dehálaš muitit jus dattetge it vállje riekta, de ainjuo it joavdda gosage.

Muhto šaddá unnit addevaš go dat mii boahtá, maid dal jo vállješeaččat.

 

VIEHKAT

23/9-22/10

Mo jus dán vahkku návddašat eallima? Gielddus suohttasat máistet erenoamáš bures justa dál.

Vai lea go nu ahte go illudat ja leat movtta, dat orru dovdomin suddun? Ale smiehta nu ollu maid earát dárbbašit.

Dán vahkus ávžžuhuvvot ohcat vuogasvuođa, čábbodaga ja ráfálaš­vuođa.

Smiehta masa don áibbašat ja gos gávnnat dan mii eallimii addá ollislaš­vuođa.

Bargga dainna juoga.

 

SKORPIUVDNA

23/10-21/11

Illut earáid badjel.

Dán vahkus dárbbašat lagašvuođa.

Dat buoremus vuohki mii justa dál lea, dat lea muitalit gii don leat ja makkár dovddut dus leat.

Jus don lávet čiegadit iežat oaiviliid, de lea dál vuogas áigi daid almmuhit.

Gávnna dan mii lea 100 proseantta duohta.

Jus iežainat leat vuoiggalaš, de leat earáide maid dan seamma.

 

BÁHČČI

22/11-21/12

Dán vahkus lea hui vuogas guldalit eanet go ieš hállat.

Njuikes eret iežat višuvnnain ja nieguin ja geahčas maid earát du birrasis hommájit, dalle gulat ollu jierbmás ja buriid ságaid.

Goaivvo dan gáldus gos eará olbmot ge leat.

Dán vahku lea maid vuogas dikšut ráhkes­vuođa, erenoamážit dan juohkebeaivválaš ja daid smávva álkes áššiid bokte.

Čájet sidjiide ráhkesvuođa geaid duođaid ráhkistat.

 

BÁKTEBOHKKÁ

22/12-19/1

Organisere beivviid vai gearg­gat eanemusat bargat dan mii lea deháleamos.

Rámmat, čorgatvuohta ja struktuvra galgá leat vai sáhtát eallit.

Ii eallin leat čorgatvuohta, nu ahte ii sáhte dan fallehit.

Sáhttá nu ahte fertet mannat čađa hástalusčoahkkimiid ja digaštallamiid.

Dat mii dovdduide guoská lea: son gii ii duostta, son ii vuoitte ge.

 

ČÁHCEOLMMÁI

20/1-18/2

Daga barggu stoagusin ja stoahkama bargun.

Dán ­vahkus lea dus vejolašvuohta suohtastallat daid bargguiguin mat galget bargot.

Don bálkkašuvvot iežat originalitehtain.

Ale bija čáhcejeahki áiddi barggu ja friddjaáigge gaskii.

Divtte goabbat ge beliid eallimis doaibmat ovttas.

Go buot maid barggat lea dehálaš, de orru dovdomin čađa gaskka ahte buot lea ávkkálaš
bargu.

 

GUOLIT

19/2-20/3

Gávnna dássedis dilálaš­vuođa gaskal iežat dárbbuid ja earáid.

Govčča vuos iežat dárbbuid, das maŋŋá earáid.

Don sáhtát dušše addit dahje juohkit dan mii dus lea.

Lea buorre áigi bargat dan maid háliidat, ja hálddašit eallima ruđalaš áššiid.

Jus áŋgirušat dárbbuidat gokčat, de oainnát dat doaibmá.

Ale bale aŋgiruššamis dasa masa dus lea jáhkku.

- Advertisement -
-Almmuhus-