-Almmuhus-
-Almmuhus-
-Almmuhus-
OĐĐASATVuoje dearvan ruoktot juovllaide

Vuoje dearvan ruoktot juovllaide

-

-

Olusat vulget maiddái dáid juovllaid ruovttubáikkiide. Olu johtolat ja molsašuddi dálki sáhttá váikkuhit vuodjimii dál. Stáhta geaidnodoaimmahat rávve olbmuid bures ovddalgihtii plánet ja guođđit huššama ruoktot.

Juovllaid áiggi vudjet olusat dakkár geainnuid alde maidda eai leat hárjánan. Maiddái dálki ja siivu sáhttá gáibidit olu biilavuoddjis. Rastá duottarguovlluid sáhttá dálki leat áibbas earálágan ja rievdá jođánit.

– Ráhkkan mátkái bures ja ádján dan áiggi maid dárbbašat. Lea buoret veaháš maŋŋelaš joavdat go ii oppanassiige joavdat, lohká Stáhta geaidnodoaimmahaga Johtolatossodatdirektevra Nils Audun Karbø. 

Stáhta geaidnodoaimmahaga buoremus rávvagat mátkkálaččaide: Dárkkis dálkki ja siivvu. Ráhkkan mátkái. Vuoje siivvu mielde ja doala leavttorájá. Biso biilaráiddus. Geavat biilaboahkána. Bija dávviriid riekta biilii. Fuolat ahte biila lea ortnegis ovdal go dollet mátkái. Geahča geidnui. Bisset biila ja oađes jus váibat. Guldal geaidnojohtolatguovddáža (5 vegtrafikksentralen) sáddagiid dahje Twitter mo johtolat manná. 

– Heivet leavttu siivvu mielde ja doala leavtturájá, ávžžuha Karbø.

-Almmuhus-