Earret bivddus, de lea sarvvafuođđuid dábálamos jápminsivva johtolatvahágat. 11 938 ealgga, sarvva ja vuovderuiggu lea dássážii registrerejuvvon vuojahallan mohtorfievrruide jagi 2019:s.
62 proseantta sarvvafuođđuin mat vuojahalle jápme, dalán dahje go elliidčálggu dihtii fertejedje goddot, čájehit Hjorteviltregister dahje sarvvafuođđoregisttar, dieđiha Nina dahje Norgga luonddudutkan instituhta neahtasiiddustis. Daid eará vuojahallon elliid mat besse heakkas eret, leat olbmot árvvoštallan eai leat nu garrasit bávččagan dahje eai leat gávdnon das maŋŋá.
Eanemus sarvvafuođđut mat vuojahalle jagi 2019:s ja registrerejuvvo, ledje 69 proseantta vuovderuiggut, 54 proseantta sarvva ja 45 proseantta ealgga. Davvi-Norggas vuojahalle sihke ealggat ja vuovderuiggut. Soaitá leat nu ahte stuorát eallit girdet eambbo ja cevzet buorebut maŋŋá vuojahallama.
– Lea dehálaš ahte buot vuojahallamat registrerejuvvojit, maiddái dalle go ealli ii jáme dahje goddo maŋŋá vahágiid geažil. Dát leat ávkkálaš diehtu vai sáhttá kártet guđemuš geaidnogaskkain vuojahallet eanemus eallit, vai sáhttá bidjat doaibmabijuid johtui eastadan dihtii fuođđuid vuojahallama mohtorvuojániidda, čilge NINA dutki Christer Moe Rolandsen.
Čállosa kártta čájeha ahte eanemus sarvvafuođđut vuojahallet guovlluin gos lea vuovdi.
