Sámi riikajoavkkus ii mana nu bures Conifa čiekčamiin. Ikte vuoittáhalle vuot, dán vuoru Abkhasiai ges.
Sámi riikajoavkkus ii mana nu bures Conifa čiekčamiin. Ikte vuoittáhalle vuot, dán vuoru Abkhasiai ges.
Ikte deaivvadii FA Sápmi Conifa World Cup ruovttuálbmogiin, Abkhasiain. Dáid čiekčamiid vuoittáhalle 2-0.
Eai nagodan
Vuosttaš moalla bođii 35. minuvttas, friddjačievččasteamis ja boađuš bisttii nie gitta boddui.
– Nuppi oasis lei Jon Steinar Eriksenis headen moala vuostá, mii lei sáhttit rievdadit olles čiekčama, čállá Håkan Kuorak.
Abkhasia oaččui vel ovtta moala ráŋggáštusčievččasteamis, man Kuorak gohčoda hálbbes ráŋggáštussan.
– Rivttes vuoiti
Maŋimuš 20 minuvtta vikkai Sápmi čiekčat garraseappot vai nagodit oažžut moala, muhto Abkhasia moallavákta gájui sin čađat, máŋggain refleaksagádjumiin.
– Lei riekta go Abkhasia vuittii, ja dál vurdet plasserenčiekčamat 5.-8. sajiid gaskkas. Bearjadaga čiekčat United Koreans of Japan vuostá, čállá Kuorak.
