-Almmuhus-
-Almmuhus-
-Almmuhus-
OĐĐASATVuoitoskohter suoláduvvon

Vuoitoskohter suoláduvvon

-

-

Per Anton Utsi fuobmái ikte eahket ahte su skohter lea suoláduvvon. Eaiggát ii dieđe sihkkarit goas skohter lea suoláduvvon.

 

Per Anton Utsi orru Álttás, muhto ikte bođii bearrašiin Mázii gos sus lea campingvovdna. Ledje ge plánat návddašit beassážiid. Go olii Mázii de váillui skohter mii lei campingvovnna olggobealde. 

– Ikte eahkedis go Mázii bođiimet de ii lean šat skohter das.  Mannan duorastaga lei  skohter sajis go ledjen Mázes.

Utsi lea dieđihan politiijaide suoládeami.

– Mun riŋgejin dieđus politiijaide ja dáhkádusfitnodahkii.

 

Beassášplánat veahá rivdet

Utsis bearrašiinnis ledje plánat  návddašit beassážiid.

Ledje ge beassášplánat bearrašiin, muhto dál gal plánat veahá rivdet go skohtera dolvo. Váivi dieđusge go dolvo skohtera go dát lei ođas ja vuoitoskohter man 2013s vuiten lotteriijas.

Guovdageainnu leansmánnekontuvrras ii lean oktage gii sáhtii cealkit maidege áššái.

 

 

-Almmuhus-