– Vuoi ihán, dat árvádus lei váttis!

1. Makkár bohcco gohčodit suhkkesoaivin?

– Dakkára mas leat ollu suorggit čorvviin. RIEKTA!

2. Gos lea Niko Valkeapää eret?

– Heahtás. RIEKTA!

3. Galle kilomehtera lea Tour De France?

– 100 miilla? Ha-ha, mun in dieđe! BOASTUT!

Rievttes vástádus: 3600 km

Sara Margrethe nagodii guovtti dain golmma gažaldagain álgovuorus, muhto ii mana viidáset.

Son beassá ain geahččalit árvádusa vástidit.

Árvádusain sáhttá oažžut 5, 10 dahje 15 čuoggá. 

Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.

Árvádusas lea minuhta jurddašanáigi.

Oskal vállje alit árvádusa, ja dá lea sutnje árvádus:

Gávvut guorus, gopmut dievva?

– Guksi, gohpu, fanas?

– Ii leat nu movt mun jurddašin gusto. Vuoi ihán, dat árvádus lei váttis! Ha-ha, mun in dieđe. BOASTUT!

Rievttes vástádus: Gahpir.

Galle čuoggá oktiibuot: 2

Juohke gilvaleaddji beassá hástalit ođđa gilvaleaddji Ávvira geassegilvui.

Sara Margrethe hástala Karen Anne Buljo.